Sa Pagitan ng Pagnguya

Sa pagitan ng pagnguya
Dinig ko ang iyong sumpa
Naaalala pa ang pangako
Ano at nilamon ng paglaho?

Sa pagitan ng pagnguya
Nagugunita ang mukha
Matang salamin ng kabiguan
Dibdib na moog ng karuwagan

Sa pagitan ng pagnguya
Damang init ng paghinga
Mga halik na nakapapaso
Nakapaloob sa ‘ting pagsuyo

Sa pagitan ng pagnguya
Nakagat ko aking dila
Panlasa ko ay naging maalat
Gana’y nawala na lang at sukat